வட்டார விளையாட்டுப் போட்டிகளில் வென்றோருக்கு வி-யுனைட்டெட் பரிசு!
கடந்த சில மாதங்களுக்கு முன் காயல்பட்டணம் முஹ்யித்தீன் மெட்ரிகுலேஷன் மேனிலைப்பள்ளி ஏற்பாட்டில் பள்ளி மைதானம் மற்றும் காயல்பட்டணம் ஸ்போர்ட்டிங் க்ளப் (கே.எஸ்.ஸி.) மைதானம் ஆகிய மைதானங்களில் நடைபெற்ற திருச்செந்தூர் வட்டார அளவிலான விளையாட்டுப் போட்டிகளில் வெற்றி பெறும் காயல்பட்டணம் பள்ளிகளைச் சார்ந்த மாணவ-மாணவியருக்கு ஊக்கப்பரிசுகள் வழங்கப்படும் என ஹாங்காங்கில் செயல்பட்டு வரும் வி-யுனைட்டெட் ஸ்போர்ட்டிங் க்ளப் சார்பில் அறிவிக்கப்பட்டிருந்தது. அந்த அடிப்படையில் வெற்றி பெற்ற மாணவ-மாணவியருக்கு பரிசுகள் வழங்கப்பட்டன. காயல்பட்டணம் எல்.கே.மேனிலைப்பள்ளி சென்ட்ரல் மேனிலைப்பள்ளி முஹ்யித்தீன் மெட்ரிக் மேனிலைப்பள்ளி மற்றும் காயல்பட்டணம் - ஆறுமுகநேரி (கே.ஏ.) மேனிலைப்பள்ளி ஆகிய பள்ளிகளில் நடைபெற்ற மாணவர் துவக்க ஒன்றுகூடலின் (அசெம்ப்ளி) போது பரிசுகள் வழங்கப்பட்டன.
இப்பரிசுகளை அந்தந்தப் பள்ளிகளின் விளையாட்டுத் துறை ஆசிரியர் உறுதுணையுடன் பள்ளி தலைமையாசிரியர்களும் வி-யுனைட்டெட் நிர்வாகிகளும் மாணவ-மாணவியருக்கு வழங்கினர்.
நன்றி : காயல்பட்டணம்.காம்
