Uefa Juniors

ஒரு சமநிலை மற்றும் இந்த போட்டியில் வெற்றி பெற்று 5 புள்ளிகள் மற்றும் 2 கோல் என்ற நிலையில் நேற்று (01/05) இதே மைதானத்தில் நடைபெற்ற இறுதி லீக் போட்டியில் ஐக்கிய விளையாட்டுச் சங்க அணியுடன் நாசரேத் அணி விளையாடியது. இந்த போட்டியை சமன்செய்தாலே சேலஞ்சர் கோப்பை போட்டியிக்கு தகுதிபெறலாம் என்ற நிலையில் நாசரேத் அணியும் வெற்றிபெற்றால் மட்டுமே தகுதிபெற முடியும் என்ற நிலையில் ஐக்கிய விளையாட்டுச் சங்க அணியும் விளையாடின. ஆரம்பம் முதலே அற்புதமாக விளையாடிய ஐக்கிய விளையாட்டுச் சங்க அணியினருக்கு கிடைத்த வாய்ப்பை அந்த அணியின் சேக்கனா லெப்பை நல்லமுறையில் கோலாக்கினார். முதல் பாதி முடியும்வரை இரு அணியும் மேலும் கோல் எதுவும் அடிக்கவில்லை.

இரண்டாம் பாதியில் புதிய உத்வேகத்துடன் விளையாடிய நாசரேத் அணியினர் இரண்டாம் பகுதியின் 15-ந்தாவது நிமிடத்தில் ஒரு கோல் அடித்து 1-1 என்ற நிலையில் சமன்செய்தனர். பின்னா ஆட்டம் முடிவடைய 7 நிமிடங்களுக்கு முன்பு நாசரேத் அணியின் தடுப்பாட்ட வீரர் கோல் எல்கைக்குள் செய்த தவறின் காரணமாக ஐக்கிய விளையாட்டுச் சங்க அணிக்கு பெனால்டி வாய்ப்பு கிடைத்தது. இந்த வாய்ப்பினை அந்த அணியின் ஜமால் கோல் அடிக்க தவறினார். பின்னர் ஆட்டத்தில் சூடுபிடித்தது. ஆட்டம் முடிவடைய 3 நிமிடத்திற்கு முன்பு மீண்டும் நாசரேத் அணியின் தடுப்பாட்டகாரர் செய்த தவறினால் பெனால்டி வாய்ப்பு கிடைத்தது.

இந்த முறை ஐக்கிய விளையாட்டுச் சங்க வீரர் ஜமால் கிடைத்த வாய்ப்பை நல்லமுறையில் பயன்படுத்தி கோல் அடித்தார். பின்னர் ஆட்டநேர இறுதிவரை போராடியும் நாசரேத் அணியினரால் கோல் அடிக்கமுடியவில்லை. எனவே ஐக்கிய விளையாட்டுச் சங்க அணி 2-1 என்ற கோல் கணக்கில் வெற்றி பெற்று தமிழகத்தின் அனைத்து மாவட்டங்களில் இருந்தும் ஒவ்வொரு அணி பங்குகொள்ளும் சேலஞ்சர் கோப்பை கால்பந்து போட்டிக்கு தகுதிபெற்றது